KOMUNIKADO DI KUERPO POLISIAL KÒRSOU Entrada hudisial ku detenshon.

KOMUNIKADO DI KUERPO POLISIAL KÒRSOU
310 / 2017
10 ougùstùs 2017
Entrada hudisial ku detenshon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaweps 10 ougùstùs 2017, alrededor di 06.00 or di mainta, personal di Divishon di Krímen
Organisá a tene entrada hudisial den un kas na Haitiweg. E entrada hudisial ta den kuadro
di un investigashon penal ku ta andando relashoná ku sekuestro, maltrato, menasa i
violashon di Lei di Opio. Durante di e investigashon na e adrès ariba menshoná, polis a haña
i konfiská entre otro: algun telefòn, un kantidat chikí di droga i tambe algun dokumento ku
ta di importansia pa e investigashon. Na e sitio a detené un persona di sekso femenino,
S.A.M.B. nasé na Jamaica di 34 aña di edat.
A presentá e sospechoso dilanti un Fiskal Ouksiliar ku a ordená su enkarselamentu
pendiente di mas investigashon.

Leave a Reply