KOMUNIKADO DI KUERPO POLISIAL KÒRSOU Detenshon di un sospechoso.

KOMUNIKADO DI KUERPO POLISIAL KÒRSOU
302 / 2017
7 ougùstùs 2017
Detenshon di un sospechoso.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djasabra 5 di ougùstùs 2017 alrededor di 10.45 or di mainta, e Tim di Mantenshon di órden Públiko tabata dirigiendo nan mes pa Weg naar Willibrordus via di Weg naar Bullenbaai. Nan a nota ku un outo kolo bèrdè sin plachi di number parti dilanti, a pasa nan ku velosidat haltu. Polis a duna shofùr òrdu pa para, pero esaki no a duna oidu na e òrdu di polis i a hisá su velosidat i sigui koré. Polis a kuminsá ku un persiguishon pero e shofùr tabata neglishá tur forma di òrdu pa para ku polis a duna. Na Sami Liber shofùr di outo a para e vehíkulo i mesora a detené e hòmber R.B. nasé na Kòrsou di 24 aña di edat, pa no sigui òrdu di polis.
E sospechoso R.B. a keda presentá dilanti un Fiskal Ouksiliar ku a ordená su enkarselamentu pendiente di mas investigashon.

Leave a Reply