KOMUNIKADO DI KUERPO POLISIAL KÒRSOU Tres hòmber estranhero detené pa sospecho di ‘Skimming i Harvester’.

KOMUNIKADO DI KUERPO POLISIAL KÒRSOU
229 / 2017
3 yüli 2017
Tres hòmber estranhero detené pa sospecho di ‘Skimming i Harvester’.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djasabra 1 yüli 2017 alrededor di 18.40 or, un ofisial di polis atento a nota tres hòmber den un forma sospechoso na un ATM riba Winston Churchillweg, na un sitio di parker di un negoshi. Mesora e ofisial aki a pidi asistensia di un unidat speshal di reshèrshe, ku a yega rápidamente na e sitio. Durante di un investigashon riba e sospechosonan, nan tabatin un kantidat di karchi di banko – sin inskripshon – i plaka kèsh den nan poder. Polis a konfiská tantu e karchinan i e plaka kèsh pa mas investigashon. Relashoná ku esaki polis a detené e tres sospechosonan aki. Ta trata di e hòmbernan:
 M.R. di 33 aña di edat, nasé na Servia ku nashonalidat Hulandes;
 S.G. di 48 aña di edat, nasé na Rumania i
 S.S. di 43 aña di edat, nasé na Servia.
A presentá e tres sospechosonan aki, dilanti di un Fiskal ouksiliar ku a ordená nan enkarselamentu pa mas investigashon.
E investigashon den e kaso aki ta kontinuá.

Leave a Reply